უკრაინის სპეციალური ოპერაციების ძალების ინფორმაციით, 22 სექტემბერს, რუსეთის შავი ზღვის ფლოტის შტაბზე მიტანილი სარაკეტო იერიშის შედეგად შავი ზღვის ფლოტის მეთაური, ვიცე-ადმირალი ვიქტორ სოკოლოვი და 34 ოფიცერი დაიღუპა.

თავდაპირველად უკრაინის მთავარი სადაზვერვო სამმართველოს ხელმძღვანელმა კირილო ბუდანოვმა სოკოლოვის გარდაცვალების ფაქტი არ დაადასტურა. ხოლო რუსეთის თავდაცვის სამინისტრომ განაცხადა, რომ ერთი სამხედრო მოსამსახურე დაიღუპა, მოგვიანებით კი განაცხადა, რომ ის უგზო-უკვლოდ დაიკარგა.

უკრაინის სპეციალური ოპერაციების ძალების ცნობით, რუსეთის სადესანტო გემზე "მინსკი", რომელიც მეორე დღეს უნდა წასულიყო საბრძოლო მორიგეობაზე, პირადი შემადგენლობა იმყოფებოდა. გემზე იერიშის შედეგად 62 რუსი სამხედრო მოსამსახურე დაიღუპა. 

უკრაინის შეიარაღებულმა ძალებმა ანექსირებულ სევასტოპოლში რუსეთის შავი ზღვის ფლოტის შტაბ-ბინაზე იერიში 22 სექტემბერს მიიტანეს.