ზოგიერთი ქვეყანა, შესაძლოა, დღესაც ირიცხებოდეს დსთ-ს შემადგენლობაში, მაგრამ ისინი არ მუშაობენ ამ ფორმატში რუსული მედიის ცნობით, ამის შესახებ რუსეთის პრეზიდენტმა, ვლადიმირ პუტინმა დსთ-ს სამიტზე საქართველოზე, უკრაინასა და მოლდოვაზე საუბრისას განაცხადა.

„საქართველოსთან მიმართებით ყველაფერი დაიწყო საქართველოს ყოფილი პრეზიდენტის წარუმატებელი მცდელობის შემდეგ, გადაეჭრა შიდა პრობლემები ძალის გამოყენებით, სამხრეთ ოსეთზე თავდასხმებით და ამ ავანტიურის შედეგად წარმოშობილი შედეგებით“, – განაცხადა ვლადიმირ პუტინმა.

რაც შეეხება უკრაინას, პუტინმა განაცხადა, რომ ქვეყანამ ხელი მოაწერა დსთ-ში გაწევრიანებას, მაგრამ არასოდეს შეერთებულან სრული ფორმატით. „უკრაინა თავს არიდებდა ფართომასშტაბიან თანამშრომლობას. რაც შეეხება მოლდოვას, ქვეყანა საკუთარ იდენტობას კარგავს, მაგრამ ეს მისი არჩევანია"– განაცხადა პუტინმა.