საპარლამენტო უმრავლესობის წევრის, ირაკლი ზარქუას განცხადებით, ნიკა გვარამია და ნიკა მელია საზოგადოებას ვერ მოატყუებენ, თითქოს „ნაციონალური მოძრაობისგან“ გამიჯნული არიან.

ზარქუას თქმით, მთავარი დეტალი ის არის, ვინ მიითვისებს კეზერაშვილის ფულს.

„გაიმართება ბრიფინგი და შეერთდება ორი ცნობილი „ნაცი“, ხელმოცარულები. საარჩევნო ნომრით იქნებიან ოთხი და სახელი ექნებათ „ახალი ნაცები“. აქ რამე სიახლე არც ყოფილა. მნიშვნელივანი ის არის, რომ ქართველ ხალხს ვერ მოატყუებენ უაზრო კამპანიით, თითქოს ემიჯნებიან „ნაცებს“. ვინ ემიჯნება? ახალი სახეები არიან თურმე მელია და გვარამია. ორი ნიკა, ორი მამალი „ნაცი“ ერთიანდებიან ახალი ლოგოს, ახალი ნომრის ქვეშ და ერქმევათ „ახალი ნაცები“. ეს პირდაპირ ურტყამს ჩემს ხაბეს. პირდაპირ ურტყამს „კარენოი“ ნაცებს, რადგან მათი ხმა მიაქვთ. ეტყობა, რაღაც ვერ გაიყვეს და ამაზეა საქმე.

მთავარი დეტალი ის არის, კეზერას ფულს ვინ მიითვისებს. კეზერა ხომ იცით, რომელიცაა, ევროპელ პენსიონერებს რომ ძარცვავს. მთავარია, ვის დააფინანსებს, ორივეს ერთად, ცალ-ცალკე თუ მიაგდებენ და მიატოვებენ ამ „კარენოი“ „ნაცებს“, ვინ იცის. ეს ხელმოცარულები, რაც უნდა სახელი დაირქვან – „ნაცები“, ნეონაცები და „ახალი ნაცები“, მაინც იქნებიან მწვალებელთა გილდიის ღირსეული წარმომადგენლები, ლუზერების ღირსეული წარმომადგენლები. ვერასდროს ეღირსებიან საქართველოს ხელისუფლებაში მოსვლას. მათი ხელწერა და მიდგომები ადამიანის უფლებების, ბიზნესის მხარდაჭერის ნაწილში ჩვენ ვნახეთ, ვიცით და აღარ გვინდა ამის გამეორება“, – განაცხადა ირაკლი ზარქუამ.