კონკრეტულად, რას მედავებით? ანდრო ჭიჭინაძემ რა დააშავა? - ამ სიტყვებით მიმართა სინდისის პატიმარმა მსახიობმა, ანდრო ჭიჭინაძემ სასამართლოს.

“„პროკურორებს მინდა მივამართო, შემომხედოთ, თქვენი ბრალდება ჰგავს, ეჟენ იონესკო არის ასეთი მწერალი, რომელიც აბსურდის გამროჩეული მწერალია, მისი პერსონაჟები ლააპრაკობენ ერთი შეხედვით გაუგებარ ენაზე. კონკრეტულად რას მედავებით, ანდრო ჭიჭინაძემ იქ რა დააშავა? ეგ არის გაურკვეველი ეს ერთი, ახლა მეორე , როგორ შეიძლება ჩვენ გვერქვას ჯგუფი და საერთო ნაცბობებიც რომ გვყავდეს ერთმანეთთან. ნახევარი ადამიანების, ამ გადასარევი ადამიანების გავიცანი პირველ სასამართლოზე, ნახევარი მეორე სასამართლოზე.

რაღაც ჯგუფში ვართ მოაზრებულები, სადაც, რა თქმა უნდა, ბრჭყალებში "დანაშაული ჩავიდინეთ" ისე, რომ ერთმანეთს არ ვიცნობთ, პლუს სხვადასხვა დღეს გვედავებით. მაგალითად, ჩემს შემთხვევაში თუ 29-ზე არის ლაპარაკი, გურის შემთხვევაში არის პირველ რიცხვზე საუბარი - როგორ შეიძლება ეს ჯგუფურად აღვიქვათ?

და კიდევ ერთ რამეს დავამატებ, მინდა, ორი სიტყვა ვთქვა ბოლო პერიოდში სხვადასხვა სახით გამოვლენილ დაშინების და შეშინების მცდელობაზე, რაც საქართველოში ხდება და მინდა ვთქვა, რომ ვერავის ვერ შეაშინებთ! და თუ ვინმეს ეშინია, ეს შიშიც ძალიან ადამიანური არის და იმითი ვართ ჩვენ თავისუფლები, რომ ამ შიშებს და სისუსტეებს გადავაბიჯებთ და სათქმელი ყოველთვის გვექნება”, - თქვა ანდრო ჭიჭინაძემ.

თბილისის საქალაქო სასამართლო აქციების დროს დაკავებული ანდრო ჭიჭინაძის, ონისე ცხადაძის და კიდევ 9 პირის საქმეს განიხილავს.