რუსეთი ამერიკის უსაფრთხოებისთვის უმთავრეს გლობალურ სტრატეგიულ გამოწვევად დასახელდა. ამის შესახებ აშშ-ის თავდაცვის მინისტრმა ეშტონ კარტერმა სენატში გამოსვლისას განაცხადა, სადაც 2017 წლსი თავდაცვის ბიუჯეტის საკითხი განიხილებოდა.
კარტერმა აშშ-თვის ხუთი გლობალური გამოწვევა გამოყო: რუსეთი, ჩინეთი, ჩრდილოეთ კორეა, ირანი და ტერორიზმი.

როგორც პენტაგონის პრესრელიზშია აღნიშნული, სწორედ ამ გამოწვევებით ხელმძღვანელობს თავდაცვის სამინისტრო ბიუჯეტის შედეგენისას.

ამასთან კარტერმა რუსეთსა და ჩრდილოეთ კორეას უწოდა მოწინააღმდეგეები, რომლებსაც განვითრებული აქვთ სამხედრო სისტემა, რაც მიზანმიმართლია აშშ-ის ზოგიერთი სფეროსთვის საფრთხის შექმნისკენ.