ბრიუსელის მეტროსადგურებში აფეთქებებს 10-მდე ადამიანი ემსხვერპლა
ბრიუსელის მეტროსადგურებში მომხდარ აფეთქებებს 10-მდე ადამიანი ემსხვერპლა, 15-მდე კი დაიჭრა, ამის შესახებ ინფორმაციას სააგენტო AFP ავრცელებს.
როგორც ცნობილია, დღეს ბელგიის დედაქალაქში აფეთქებების სერია მოხდა. პირველი აფეთქებების ხმა აეროპორტში გაისმა. ორ ძლიერ აფეთქებას წინასწარი მონაცემებით 17 ადამიანი ემსხვერპლა, 30-მდე კი დაიჭრა. როიტერის ინფორმაციით, ბრიუსელის აეროპორტში ტერაქტი თვითმკვლელმა განახორციელა.
ქალაქში დაიკეტა სკოლები, საბავშვო ბაღები, მეტროსადგურები. შემოღებულია ტერორისტული საფრთხის უმაღლესი - მეოთხე დონე.
