„ნაციონლაური მოძრაობის“ წევრის ჩიორა თაქთაქიშვილის განცხადებით, მთავრობის მთელი რიგი შეცდომების მიუხედავად, ევროკავშირის ცალსახა პოზიციაა, რომ ქართველი ხალხი იმსახურებს ვიზალიბერალიზაციას. ამის შესახებ თაქთაქიშვილმა ევროკომისიის პრეზიდენტის ჟან-კლოდ იუნკერის ევროსაბჭოს საპარლამენტო ასამბლეის პლენარულ სესიაზე სიტყვით გამოსვლის შემდეგ განაცხადა, სადაც აღინიშნა, რომ საქართველოს ვიზალიბერალზიაციასთან დაკავშირებით ახალი პირობები არ ექნება.

,,მნიშვნელოვანია, რომ ხაზი გაესვა, არა რომელიმე კონკრეტული მთავრობის, არამედ წინა ხელისუფლებების დამსახურებას და იმასაც, რომ ევროკავშირის მხრიდან დამატებითი წინაპირობების წამოყენება საქართველოსთვის არ იქნება.“- აღნიშნა ჩიორა თაქთაქიშვილმა.

ჟან კლოდ იუნკერს აღნიშნულ თემაზე კითხვა ენმ-ის წევრმა გიორგი კანდელაკმა დაუსვა.

“მე საქართველოში მთავარ ოპოზიციურ პარტიას წარმოვადგენ. ოპოზოცია მხარს უჭერს საქართველოსთვის უვიზორ რეჟიმის მინიჭებას ამ ზაფხულს. თუმცა, გავრცელდა ინფორმაცია, რომ შესაძლოა, საქართველოსთან ვიზალიბერალიზაციის შეთანხმებას ახალი პირობები დაემატოს . მსურს გამოვხატო იმედი, რომ ქართველი ხალხი მთავრობის მიერ დაშვებული შეცდომების გამო არ დაისჯება”, - მიმართა კანდელაკმა იუნკერს.