ჩინეთში ქალაქ იუში ქართული ღვინის ცენტრები შეიქმნება. იუნში გაიხსნება ასევე ქართული ღვინის სახლებიც. შესაბამისი შეტანხმება უკვე მიღწეულია.

16 მაისს, ქალაქ იუში, ჩინეთის სახალხო რესპუბლიკაში, საქართველოს სავაჭრო-სამრეწველო პალატის პრეზიდენტის, ნინო ჩიქოვანის ვიზიტის ფარგლებში ხელი მოეწერა სტრატეგიული თანამშრომლობის ხელშეკრულებას.

ხელმომწერი მხარეები, საქართველოს სავაჭრო-სამრეწველო პალატა და ქ. იუს ადმინისტრაციულ კომიტეტი, კომპეტენციის ფარგლებში უზრუნველყოფენ ვაჭრობის, ტურიზმის, კულტურის და ინვესტიციების სფეროებში თანამშრომლობის გაღრმავებას.

მხარეები შეთანხმდნენ, რომ ხელი შეუწყონ ქ. იუში ქართული ღვინის ცენტრების განვითარებას და ქართული ღვინოსთვის საბაჟო საწყობის მოწყობას, რაც ხელს შეუწყობს ქართული პროდუქციის ექსპორტს.
ნინო ჩიქოვანმა საზეიმოდ მონაწილეობა მიიღო მე-4 ქართული ღვინის სახლის გახსნის საზეიმო ცერემონიაში. პირველი ქართული ღვინის სახლი აღმოსავლეთ ჩინეთის ჭეძიანგის რეგიონის ლოჯისტიკურ ჰაბში, ქ.იუში გახსნა ჩინეთის სახალხო რესპუბლიკაში საქართველოს სავაჭრო-სამრეწველო პალატის წარმომადგენლმა, ბ-ნი სიაოძიუნმა. ამასთან, 17 მაისს ბ-მა სიუძიანმა გახსნა რიგით მეოთხე ღვინის სახლი, რეგიონში, რომლის მოსახლეობაც 55 მილიონია.

ასევე იგეგმება და მიმდინარეობს მოლაპარაკებები კიდევ 12 ქართული ღვინის სახლის გახსნის შესახებ. ქართული ღვინის სახლი უკვე გადაიქცა ჩინელი და სხვა ეროვნების ბიზნესმენების თავშეყრის ადგილად. ნებისმიერ სტუმარს საშუალება ეძლევა ეზიაროს არა მხოლოდ ქართული ღვინის კულტურას, არამედ გაეცნოს ქვეყნის ადათ-წესებსა და ტრადიციებს, ფოლკლორს და კულტურულ მემკვიდრეობას.