ბათუმში ეზოების კეთილმოწყობა გრძელდება.ბათუმის მერიის ინფორმაციით,  ამჟამად სამუშაოები გორგილაძის #25-ში მიმდინარეობს, სადაც იცვლება ეზოს კომუნალური და სანიაღვრე სისტემა.

 მიწისქვეშა სამუშოების დასრულების შემდეგ დაიწყება ფილების დაგება. აღნიშნულ მისამართზე ეზოს კეთილმოწყობა მიმდინარე თვის შუა რიცხვებში დაიწყო და 16 ივნისისთვის უნდა დასრულდეს.

სამუშაოებს, რისთვისაც ბიუჯეტიდან 177 ათასი ლარია გამოყოფილი, ტენდერში გამარჯვებული შპს ,,ნიუ პოვერი“ ასრულებს. ეზოების კომუნალური სისტემის კეთილმოწყობის ფარგლებში წელს 6 ეზო უკვე კეთილმოეწყო, 5 ეზოში სამუშაოები ამჟამად მიმდინარეობს, ხოლო კიდევ 26 ეზოს კეთილმოწყობა ერთი თვის განმავლობაში დაიწყება.

ჯამში 36 ეზო კეთილმოეწყობა. ბათუმში ეზოების კომუნალური სისტემის კეთილმოწყობისთვის მიმდინარე წლისთვის 1 მილიონი ლარია გათვალისწინებული.