დღეს, საქართველოს საგარეო საქმეთა მინისტრის პირველი მოადგილე, დავით ზალკალიანი   საქართველოში ყაზახეთის რესპუბლიკის საელჩოს ეწვია და უკანასკნელ დღეებში მომხდარ ტერორისტულ აქტთან დაკავშირებით სამძიმრის ჩანაწერი დატოვა.

მან მიუსამძიმრა ყაზახ ხალხს და მწუხარება გამოთქვა ტრაგიკული მოვლენების გამო.
„დიდი მწუხარებით შევიტყეთ 2016 წლის 5 ივნისს, ყაზახეთის რესპუბლიკის ქალაქ აქტობეში მომხდარი ტერორისტული აქტის შესახებ.შეძრწუნებულნი ვართ დატრიალებული ტრაგედიის გამო და ამ უმძიმეს წუთებში სოლიდარობას და მხარდაჭერას ვუცხადებთ მოძმე ყაზახ ხალხს დაქვეყნის ხელისუფლებას. საქართველო გმობს ტერორიზმის ნებისმიერ გამოვლინებას და მიიჩნევს, რომ აღნიშნულს გამართლება არ აქვს. საქართველოსსაგარეო საქმეთა სამინისტროს და პირადად ჩემი სახელით, მსურს მივუსამძიმრო დაღუპულთა ოჯახებს, ტერაქტის შედეგად დაშავებულებს კიგამოჯანმრთელება ვუსურვო" - აღნიშნა დავით ზალკალიანმა ჩანაწერში.