მოგებული სახელმწიფო შესყიდვით გამოყოფოლი სახსრების სწორი ხარჯვის შედეგად, შ.პ.ს. „სახელმწიფო სამშენებლო კომპანია", იგივე შესყიდვის ფარგლებში, თბილისში კიდევ ერთი ქუჩის რეაბილიტაციას ახორციელებს - ნაძალადევში ჩეჩელაშვილის ქუჩის განახლების სამუშოები მიმდინარეობს.

პროექტის მიხედვით, 1,5 კმ სიგრძის გზაზე მოეწყობა საუძველი, დაიგება ორფენიანი ასფალტბეტონის საფარი, გაკეთდება ტროტუარები, ბაზალტის ბორდიურები, რეაბილიტაცია ჩაუტარდება სათვალთვალო და წყალმიმღებ ჭებს, გაკეთდება ეზოებთან მიერთებები.

ამ დროისთვის, უკვე დასრულებულია მიწის სამუშაოები გზის საფუძვლის მოსამზადებლად, შეტანილია ინერტული მასალა, შეცვლილია 330 გრძივი მეტრი ბორდიური. პროექტის განხორციელება 2016 წლის აპრილში დაიწყო და ივლისში დასრულდება. სამუშაოებზე 30 ადამიანია დასაქმებული.

შ.პ.ს. „სახელმწიფო სამშენებლო კომპანია" ჩეჩელაშვილის ქუჩის რეაბილიტაციას, ასევე, სამებისა და მახათას მთაზე მშენებარე ტაძრების დამაკავშირებელი გზის მშენებლობას, აგლაძის, ღოღობერიძის ქუჩებისა და წავკისთან მისასვლელი ერთ-ერთი გზის აღდგენა-რეაბილიტაციას თბილისის მერიის მიერ გამოცხადებული შესყიდვის საფუძველზე ახორციელებს. შესყიდვის ღირებულება 5 049 999 ლარს შეადგენს.