პრეზიდენტის ადმინისტრაციის უფროსი გიორგი აბაშიშვილი ,,რუსთავი 2“ -ის საქმეზე სააპელაციო სასამართლოს მიერ დღეს გამოტანილ გადაწყევტილებას ეხმაურება და აცხადებს, რომ პრეზიდენტის ვიზიტის დროს სტრასბურგშიც და ბრიუსელშიც, ყველა შეხვედრაზე ,,რუსთავი 2“ -ის საკითხი იყო ძალიან მძაფრად დასმული.

„ცხადია, ამ გადაწყვეტილების შემდგომ ეს თემა კიდევ უფრო მეტად გამძაფრდება. ამავდროულად, წინასაარჩევნო პერიოდში,,რუსთავი 2“ -ის  მფლობელის ცვლილება იქნება სერიოზული დარტყმა არჩევნების დემოკრატიულობაზე,“ - გიორგი აბაშიშვილმა. 

ტელეკომპანიის საქმეზე სააპელაციო სასამართლომ პირველი ინსტანციის გაადაწყვეტილება ძალაში დატოვა. სამაუწყებლო კომპანიის ადვოკატები საქალაქო სასამართლოს მოსამართლის თამაზ ურთმელიძის მიერ 2015 წლის 3 ნოემბერს მიღებული გადაწყვეტილების გაუქმებას და საქმის პირველ ინსტანციაში დაბრუნებას ითხოვდნენ.