აჭარაში განთავსების ობიექტებს 5*-იანი სასტუმრო Castello Mare Hotel & Wellness Resort 1 ივლისიდან შეუერთდება.

სასტუმრო კომპლექსი ციხისძირში ბათუმიდან 17 კმ მოშორებით, მრავალფეროვანი მცენარეებით დაფარულ ულამაზეს ქარაფზე მდებარეობს და სიმაღლიდან გადმოჰყურებს ზღვას.

კომპლექსში 82 საცხორებელი ნომერია, 1 ვილა 3 Delux და 1 საპრეზიდენტო აპარტამენტი. სასტუმრო თავის სტუმრებს სთავაზობს სპა რეკრეაციულ ზონას სატრენაჟორო დარბაზით, დახურული და ღია ინფინიტი აუზით, ჰამამით, 6 სახის საუნით, ჯაკუზით, კოსმეტოლოგიის კაბინეტით, სილამაზის სალონითა და 100-მდე დასახელების გამაჯანსაღებელ-სამკურნალო პროცედურით.
როგორც სასტუმროს მმართველები ამბობენ, 2015 წელი “კასტელო მარეს” მეორედ დაბადების წელია. ავსტრიული საინვესტივიო ჯგუფის Mosimmobilia Immobilien GmbH-ის მეშვეობით განხორციელდა 5 ვარსკვლავიანი სასტუმრო და გამაჯანსაღებელი კომპლექსის Castello Mare Hotel & Wellness Resort -ის შექმნა.
პროექტის ჯამური ინვესტიცია შეადგენს 25 მლნ აშშ დოლარს.

სასტუმრო ასოცირდება პანსიონატ „ნაუკასთან“ (მეცნიერება) რომელიც საბჭოთა პერიოდში ფუნქციონირებდა. სინამდვილეში ამ ტერიტორიის განვითარების ისტორია იწყება 1900 წლიდან როდესაც სარკინიგზო მაგისტრალის მშენებლობისას ზღვაში შეჭრილ კლდოვან არეზე აშენდა სახლი სახელწოდებით Castello Mare ( კოშკი ზღვაში), რომელიც იმდროინდელი აჭარის ინტელიგენციის საყვარელი თავშესაყარი ყოფილა.
90-იანი წლების დასაწყისში საქართველოში შექმნილ მძიმე სოციალურ და ეკონომიური პრობლემების გამო პანსიონატმა შეწყვიტა ფუნქციონირება და მთლიადან გაპარტახდა.

კომპლექში განთავსებულია ძირითადი რესტორანი, ლობი ბარი ტერასით და გასარუჯი ზონით, გრილ ბარი ნაძვნარში.
ჩოგბურთის კორტები;
ბოულინგი;
ლაზერული ტირი;
გასართობი ცენტრი კარაოკე ბარით;
საკუთარი პლაჟი;
ღია აუზი ზღვის წყლით;
2 საკონფერენციო დარბაზი;
200 ადგილიანი მრავალფუნქციური დარბაზი;
100 ადგილიანი მიწისქვეშა ავტოსადგომი;
პლაჟზე ჩასასვლელი დახრილი ლიფტები.
სასტუმროს ადგილმდებარეობა და ინფრასტრუქტურა ყველანაერად მორგებულია კორპორატული თუ წარმომადგენლობითი ღონისძიებებისათვის.

სასტუმროში ყველა ნომერი ზღვის ხედითაა და მათი ღირებულება იწყება 165$-დან.
სოციალურ ქსელში ( www.castellomare.com; https://www.facebook.com/hotelcastellomare/; ) აქტიურად ხდება კომპლექსის გაშუქება და უკვე www.booking.com -ზეც ნებისმიერი სტუმარი შეძლებს ნომრის დაჯავშნას.