საქართველოს პარლამენტის თავმჯდომარე, დავით უსუფაშვილი, ბრიუსელში იმყოფება, სადაც სპეციალური სტუმრის სტატუსით, ევროპის ლიბერალი პოლიტიკური ლიდერების შეხვედრაში მიიღებს მონაწილეობას.

შეხვედრაზე ევროკავშირის 25 ქვეყნის წარმომადგენლები, მათ შორის, მთავრობების ხელმძღვანელები, ლიბერალურ-დემოკრატიული პარტიების ლიდერები და ევროკომისიის წევრები ევროპული პოლიტიკის მნიშვნელოვან საკითხებს განიხილავენ. დავით უსუფაშვილი, შეხვედრის მონაწილეებს საქართველოსა და რეგიონში არსებულ ვითარებას გააცნობს და ევროკავშირის წინაშე არსებული ახალი გამოწვევების მიუხედავად, საქართველოსთვის ვიზალიბერალიზაციის პროცესის შეუფერხებლად განხორციელების მნიშვნელობაზე კიდევ ერთხელ ისაუბრებს.