საქართველოს პარლამენტის თავმჯდომარე დავით უსუფაშვილი მონტენეგროს პარლამენტის თავმჯდომარე დარკო პაიოვიჩს შეხვდა.

როგორც დავით უსუფაშვილმა გამართულ შეხვედრის დასრულების შემდეგ გამართულ პრესკონფერენციაზე განაცხადა, შეხვედრაზე საუბარი შეეხო ორ ქვეყანას შორის მზარდ და ინტენსიურ საკითხებს.

“მოგეხსენებათ საქართველოსა და მონტენეგროს ნატო-ში ინტეგრაციის საკითხები პარალელურ რეჟიმში იხილებოდა, როს შემდეგაც ნატო-დან ჩვენ დაგვისვეს შეკითხვა. ხომ არ გვექნებოდა პრობლემა, რომ მონტენეგროს ინტეგრაციის საკითხი გადაწყვეტილიყო უფრო ადრე. ჩვენი პასუხი იყო - არავითარ შემთხვევაში არ უნდა მომხდარიყო მონტენეგროს გაწევრიანების გადახედვა, რადგან ჩვენ გვინდა მეტი ქვეყანა ნატო-ში, რაც ქმნის ჩვენთვის უფრო მეტ შანსს. ჩვენ ერთ გზას ვადგავართ, დემოკრატიული ინსტიტუტების გაძლიერების კუთხითაც. მონტენეგროშიც ოქტომბერშია არჩევნები”, - განაცხადა უსუფაშვილმა.

დარკო პაიოვიჩის თქმით, შეხვედრა საქართველოსა და მონტენეგროს მეგობრობის დადასტურებაა.

„საქართველოს მიერ ეუთოს საპარლამენტო ასამბლეის სესიის ჩატარება აქ ძალიან დიდი პატივი და პასუხისმგებლობაა. ჩვენ საქართველოს მადლობას ვუხდით მხარდაჭერისთვის. საქართველოსთვის და მონტენეგროსთვის სხვა ალტერნატივა არ არსებობს. ჩვენი ადგილი ევროპაშია”, - განაცხადა დარკო პაიოვიჩმა.