საქართველოს პრეზიდენტმა განაცხადა, რომ ვარშავაში, ქართულ დელეგაციას ზურგს უმაგრებს დეკლარაცია, რომელიც ერთად მიიღეს საქართველოს პოლიტიკურმა ძალებმა. ამ ერთიანობისთვოს გიორგი მარგველაშვილი მათ მადლობას უხდის.

„ეს არის ის უმნიშვნელოვანესი დოკუმენტი, რომელსაც ყველა პარტია, როგორც ოპოზიციური, ასევე სახელისუფლებო აწერს ხელს. მინდა, მადლობა ვუთხრა ამ პარტიებს, რომ როდესაც საქმე ეხება საგარეო პოლიტიკურ პრიორიტებებს, ქვეყნის ინტერესებს, ქართულ პოლიტიკურ ძალებს აქვთ უნარი, გაერთიანდნენ და ერთიანი პოზიცია დააფიქსირონ ქვეყნის სასარგებლოდ“, - განაცხადა გიორგი მარგველაშვილმა.

დეკლარაციას პარლამენტში წარმოდგენილი პარტიების გარდა ხელს აწერენ, პრემიერ-მინისტრი გიორგი კვირიკაშვილი და პარლამენტის თავმჯდომარე დავით უსუფაშვილი.