საგარეო საქმეთა მინისტრმა ლატვიის რესპუბლიკის ელჩთან გამოსამშვიდობებელი შეხვედრა გამართა

საქართველო, თბილისი - 18:58 | 12.07.2016

ნანახია: 1431

12 ივლისს საქართველოს საგარეო საქმეთა მინისტრმა მიხეილ ჯანელიძემ გამოსამშვიდობებელი შეხვედრა გამართა საქართველოში ლატვიის რესპუბლიკის ელჩთან ელიტა გაველესთან. მინისტრმა მადლობა გადაუხადა ელჩს საქართველოში საქმიანობის პერიოდში ორ ქვეყანას შორის არსებული მეგობრული ურთიერთობების კიდევ უფრო განმტკიცებისთვის და წარმატებები უსურვა მომავალ საქმიანობაში.

შეხვედრაზე კმაყოფილებით აღინიშნა საქართველოსა და ლატვიას შორის ისტორიულად არსებული მეგობრული და პარტნიორული ურთიერთობები, ხაზი გაესვა ლატვიის აქტიურ მხარდაჭერას საქართველოს ევროპული და ევრო-ატლანტიკური ინტეგრაციის გზაზე. აღინიშნა ბოლო წლების განმავლობაში მაღალი დონის ორმხრივი ვიზიტების დინამიკა, მზარდი სავაჭრო-ეკონომიკურ ბრუნვა, ხალხთაშორისი კონტაქტების გააქტიურება და ა რეგიონებს შორის კავშირების გააქტიურება.

ელჩი ელიტა გაველე მიდინარე წლის ივლისში ასრულებს თავის მისიას საქართველოში.