„ქართულმა ოცნებამ“ სამეგრელოში მაჟორიტარობის კანდიდატები წარადგინა

ზუგდიდში „ქართული ოცნება-დემოკრატიული საქართველოს“ თავმჯდომარემ და საქართველოს პრემიერ-მინისტრმა გიორგი კვირიკაშვილმა სამეგრელოს რეგიონის მაჟორიტარობის კანდიდატები წარადგინა.

„ქართული ოცნებიდან“ მაჟორიტარობის კანდიდატები არიან: ზუგდიდში -მერაბ ქვარია, ზუგდიდის რაიონში - ედიშერ თოლორაია, წალენჯიხასა და ჩხოროწყუში გოგა გულორდავა, ხობში - გოდერძი ბუკია, სენაკში - ირაკლი ბერაია, მარტვილსა და აბაშაში - ოთარ დანელია და ფოთში ირაკლი ხახუბია.

პრემიერ-მინიტრმა გამარჯვება უსურვა კანდიდატებს.

„დარწმუნებული ვარ, რომ ისინი წარმატებულად მიიტანენ ჩვენი პარტიის სათქმელს თითოეულ ამომრჩევლამდე. ისინი იქნებიან შეუპოვრები გამარჯვების გზაზე და ისინი აუცილებად გაიმარჯვებენ და ამით ყველანი ერთად გავიმარჯვებთ, ჩვენი საქართველო გაიმარჯვებს“- აღნიშნა გიორგი კვირიკაშვილმა კანდიდატების წარდგენის შემდეგ.