გიგი წერეთელი ქუთაისის მერიას მოსახლეობისთვის მიცემული პირობის შესრულებას სთხოვს

ქუთაისის მაჟორიტარი დეპუტატობის კანდიდატი გიგი წერეთელი ქუთაისის მერიას და შესაბამის სამსახურებს მოუწოდებს შეასრულონ მოსახლეობისთვის მიცემული პირობა.

კონკრეტულად საქმე ეხება ათეულობით მისამართზე საუბნო გზების, კორპუსების შიდა ეზოებისა და სადარბაზოების თანადაფინანსების პროგრამით გაკეთებას, რომელიც გულისხმობს, რომ მოსახლეობა ადგილობრივ თვითმმართველობასთან ერთად, ერთობლივი სახსრებით უზრუნველყოფს სამუშაოების ჩატარებას. ასეთ მდგომარეობაშია ჭავჭავაძის #12, ხარებავას #9 ნომერი და ა.შ.

ადგილობრივების განცხადებით, მიუხედავად მათი მძიმე ეკონომიკუი მდგომარეობისა, თავისი წილი თანხები უკვე შეტანილი აქვთ, თუმცა სამუშაოები უმეტეს ადგილებში არც დაწყებულა.

გიგი წერეთლის განცხადებით, ქალაქის მერიისა და შესაბამისი სამსახურების მსგავსი გულგრილობა კიდევ ერთხელ მიუთითებს ტყუილ დაპირებებზე. როგორც კანდიდატი აღნიშნავს, არ არის გამორიცხული ხსენებული სამუშაოები მომდევნო თვეს დაიწყოს, რათა ამით შემდგომში სახელისუფლებო ძალებმა ამომრჩევლების მხარდაჭერა მიიღონ.

წერეთელი აპირებს  სიები, სადაც სამუშაოები არ დაიწყებულა მერიაში წარადგინოს და შესაბამის სამსახურებს  დანაპირების შესრულება მოსთხოვოს.