გერმანიის ახლადდანიშნული ელჩი უკვე საქართველოშია

საქართველოს საგარეო საქმეთა მინისტრს მიხეილ ჯანელიძეს რწმუნებათა სიგელის ასლი გადასცა გერმანიის ფედერაციული რესპუბლიკის ახლადდანიშნულმა ელჩმა ჰაიკე რენატე პაიჩმა.

 სიგელის ასლის გადაცემის ცერემონიის შემდეგ გაიმართა ორმხრივი შეხვედრა.  მხარეებმა ისაუბრესსაქართველოსა და გერმანიის ფედერაციულ რესპუბლიკას შორის ჩამოყალიბებულ მეგობრულ ურთიერთობებსადა  პოლიტიკურ, სავაჭრო-ეკონომიკურ,  განათლებისა და კულტურის სფეროებში არსებულ მჭიდროპარტნიორობასა და სამომავლო პერსპექტივებზე. საგარეო საქმეთა მინისტრმა ხაზი გაუსვა გერმანიის წამყვანროლს საქართველოს ევროპული და ევროატლანტიკური ინტეგრაციის  განხორციელებაში და საქართველოს სუვერენიტეტისა და ტერიტორიული მთლიანობის დაცვის საქმეში გერმანიის აქტიური მხარდაჭერისმნიშვნელობას.

განსაკუთრებული ყურადღება დაეთმო ევროკავშირთან სავიზო ლიბერალიზაციის პროცესის დროულად დაწარმატებით დასრულების, 2017 წელს საქართველო-გერმანიის მეგობრობის წლის აღნიშვნისა და 2018 წელსფრანკფურტის წიგნის საერთაშორისო ბაზრობაზე საქართველოს მონაწილეობის საკითხებს.

თავის მხრივ, ჰაიკე რენატე პაიჩმა ხაზგასმით აღნიშნა საქართველო-გერმანიის ურთიერთობების მზარდი დინამიკა და ეკონომიკური ურთიერთობების გაღრმავების დიდი პოტენციალი. მან დაადასტურა გერმანიის ფედერაციულირესპუბლიკის მხარდაჭერა საქართველოსადმი და გამოთქვა მზაობა, მაქსიმალურად შეუწყოს ხელი ორ ქვეყანასშორის არსებული ურთიერთობების შემდგომ განვითარებას