„რუსეთის ხელისუფლების უმაღლეს წარმომადგენლებს შევხვდი" - ბურჯანაძემ ინტერვიუ „კომსომოლსკაია პრავდას“ მისცა

რუსეთთან ურთიერთობის გაუმჯობესება სრულებით შესაძლებელია, თუმცა თბილისს ამის გამბედაობა არ ჰყოფნის. ამის შესახებ „დემოკრატიული მოძრაობა- ერთიანი საქართველოს“ ლიდერმა „კომსომოლსკაია პრავდასთვის“ მიცემულ ინტერვიუში განაცხადა.

„ბოლო წლებში რუსეთის ხელისუფლების უმაღლეს წარმომადგენლებს რამდენჯერმე შევხვდი და დავინახე რეალური შესაძლებლობა იმ პრობლემების მოგვარებისა, რომლებიც მრავლად დაგროვდა. საქართველოში შეიძლება ამის სურვილი აქვთ, მაგრამ კონკრეტული ნაბიჯების გადადგმას ვერ ბედავენ. ამისთვის მათ პრორუსების სტატუსს მიაკუთვნებენ, ხელისუფლებას კი სურს დაამტკიცოს, რომ პროდასავლურია,“-აცხადებს ნინო ბურჯანაძე.