გიორგი ტუღუშის განცხადებით, საარჩევნო უბნებზე დარღვები საარჩევნო ადმინისტრაციის კომპეტენციის ნაკლებებოითაა გამოწვეული

"ერთიანი ნაციონალური მოძრაობის" წარმომადგენელ გიორგი ტუღუშის განცხადებით, საარჩევნო უბნებზე დარღვები საარჩევნო ადმინისტრაციის კომპეტენციის ნაკლებებოითაა გამოწვეული.

„კომპეტენციის ნაკლებობა, რა თქმა უნდა, გამოწვეულია იმით, რომ თავის დროზე, როცა საუბნო და საოლქო კომისიები კომპლექტდებოდა, პრეფერენცია მიეცა არა ამ ადამიანების პროფესიონალიზმს, არამედ მათ პოლიტიკურ სიმპათიებს და უშუალოდ ეს კომისიები დაკომპლექტდა „ქართული ოცნების“ პრეფერენციების მიხედვით.

დიდუბის ნომერ 15-ე უბანზე დაფიქსირდა შემაჯამებელი ოქმი, რომლის დიდი ნაწილი იყო შევსებული და მასზე იყო კომისიის თავმჯდომარის და წევრების ხელმოწერა. ეს პრობლემა ადგილზე იქნა აღმოფხვრილი. ასევე „ქართული ოცნების“ კოორდინატორები ნასაკირალში, ოზურგეთის რაიონის 60-ე უბანზე, შესასვლელ კარებთან ეწეოდნენ აგიტაციას. მას შემდეგ, რაც მათ მიუთითეს ამ დარღვევაზე, შედგა შესაბამისი საჩივარი და სთხოვეს წასულიყვნენ იქიდან, ადგილზე მივიდა ოზურგეთის მუნიციპალიტეტის გამგებელი, მერაბ ჭანუყვაძე, რომელიც ითხოვდა ამ ადამიანების უბანში შეშვებას, რაც ასევე აღკვეთეს ჩვენმა კომისიის წევრებმა და დამკვირვებლებმა.

დარღვევა დაფიქსირდა ასევე ნინოწმინდაში 26-ე უბანზე, როდესაც 4 პირი ხმას საარჩევნო კაბინის გარეთ, კომისიის თავმჯდომარის მაგიდაზე აძლევდა და ასევე ეწეოდნენ საარჩევნო უბანზე „ქართული ოცნების“ სასარგებლოდ აგიტაციას, რაც ასევე აღკვეთეს მათმა კომისიის წევრებმა.
სხვა დარღვევებიც ფიქსირდება, რომლებზეც ახლა არ ვისაუბრებ. ჩვენი კომისიის წევრები და დამკვირვებლები ყველაფერს აკეთებენ, რათა მოხდეს თითოეული დარღვევის აღრიცხვა, დროული რეაგირება და უზრუნველყონ ყველა მოქალაქის ხმის დაცვა“, - აღნიშნა ტუღუშმა.