Fox News-ის ჟურნალისტმა პუტინს მკვლელი უწოდა

ამერიკული ტელეკომპანიის Fox News-ის ჟურნალისტმა ბილ ორეილიმ სკანდალური განცხადება აშშ-ის პრეზიდენტთან დონალდ ტრამპთან ინტერვიუს დროს გააკეთა. ინტერვიუ ნაწილ-ნაწილ ქვეყნდება, თუმცა საუბრიდან ამონარიდები, რომელიც რუსეთს ეხება, პრესაში უკვე მოხვდა. ორეილის კითხვაზე, რომელიც ტრამპისა და პუტინის ურთიერთობას ეხებოდა, ამერიკის ლიდერმა უპასუხა, რომ პატივს სცემს პუტინს, ისევე, როგორც სხვა ადამიანებს, თუმცა მისი თქმით, ეს არ ნიშნავს, რომ ყველასთან კარგი ურთიერთობა აქვს.

”მაგრამ ის (პუტინი) მკვლელია”, - განაცხადა ორეილიმ.

ტრამპა აღნიშნა, რომ მკვლელები ყველგან არიან. ”მკვლელები ბევრნი არიან. ჩვენც ბევრი მკვლელი გყავს, ფიქრობთ, რომ ჩვენი ქვეყანა უდანაშაულოა?”-უპასუხა ტრამპმა და კვლავ გაიმეორა წინასაარჩევნო თეზისი იმის შესახებ, რომ ”რუსეთთან უმჯობესია მეგობრობა, ვიდრე მტრობა”.

”რუსეთი მხოლოდ მაშინ არის კარგი, როდესაც ”ისლამურ სახელმწიფოსთან”  და მთელს მსოფლიოში ტერორიზმთან ბრძოლაში  გვეხმარება?”, - აღნიშნა ტრამპმა.

აღსანიშნავია, რომ რუსეთის საგარეო საქმეთა მინისტრმა სერგეი ლავროვმა ავსტრიულ ჟურნალს Profil-ს  განუცხადა, რომ ტრამპის რიტორიკა ორმხრივი ურთიერთობების კუთხით მომავლის იმედს იძლევა.