სტამბოლის ახალი აეროპორტი რეკორდული რაოდენობის სამუშაო ადგილს შექმნის

დამოუკიდებელი კვლევითი და საკონსულტაციო კომპანია “Istanbul Economics”-ისა და ეკონომიკისა და საგარეო პოლიტიკის სწავლების ცენტრის (EDAM) ერთობლივი კვლევის თანახმად, 2025 წლისთვის, სტამბოლის ახალი საერთაშორისო აეროპორტი 225 ათასამდე სამუშაო ადგილს შექმნის.

“აეროპორტის ეკონომიკაზე ზემოქმედების ანალიზის“ მიხედვით, პირდაპირი დასაქმების გზით, აეროპორტი დაახლოებით 100 000 ადამიანის დასაქმებას უზრუნველყოფს ისეთ სფეროებში, როგორიცაა სახმელეთო მომსახურება, ავიაკომპანიები, საავიაციო უსაფრთხოება, საჰაერო ხომალდების ტექნიკური მომსახურება და კვების ობიექტები.

კვლევის თანახმად, 73 მილიარდი თურქული ლირით, რაც ქვეყნის მთლიანი ეროვნული პროდუქტის 4%-ზე მეტია, სტამბოლის აეროპორტი თურქეთის ეკონომიკის ერთ-ერთი უმსხვილესი კონტრიბუტორი იქნება.

10.25 მილიარდი ევროს ღირებულების ინფრასტრუქტურული პროექტზე ამჟამად 23 ათასი ადამიანია დასაქმებული და მისი მშენებლობის პირველი ფაზის დასრულება 2018 წლის პირველ კვარტალში იგეგმება. არსებული მონაცემებით, საწყის ეტაპზე, აეროპორტი წელიწადში 90 მილიონ მგზავრს, ხოლო დღეში დაახლოებით 2000 ავიარეისს მოემსახურება. გრძელვადიან პერსპექტივაში კი, აეროპორტი წლიურად 200 მილიონი მგზავრის გატარებას და დღეში 3500 რეისის მიღებას გეგმავს.