მიმდინარე წელს რუსეთიდან ფქვილის იმპორტი 177%-ით გაიზარდა

მიმდინარე წელს რუსეთიდან ფქვილის იმპორტი 177%-ით გაიზარდა. „საქსტატის“ ინფორმაციით, 2015 წლის იანვარ-სექტემბერში საქართველოში რუსეთიდან 22,288.5 ტონა ფქვილი (ფქვილი ხორბლის ან ხორბალ-ჭვავისა) შემოვიდა, ეს იმ ფონზე, როდესაც 2014 წლის ანალოგიურ პერიოდში რუსეთიდან საქართველოს 8,052.7 ტონა ფქვილი მიეწოდა.

სტატისტიკური ინფორმაციის მიხედვით, 2015 წლის 9 თვეში რუსეთიდან 6,140.6 ათასი დოლარის ფქვილი შემოვიდა, ხოლო 2014 წლის 9 თვეში კი 2,526.4 ათასი დოლარის ღირებულების.

სტატისტიკური ინფორმაციის მიხედვით, ბოლო წლების განმავლობაში რუსეთიდან ფქვილის იმპორტს არადინამიური ხასიათი აქვს.

უფრო კონკრეტულად კი 2006 წელს საქართველომ 62,100.2 ტონა რუსეთში წარმოებული ფქვილი მოიხმარა. 2007 წელს კი, ანუ ემბარგოს გამოცხადების შემდგომ წელს, საქართველოში რუსუილი ფქვილის იმპორტი გაიზარდა და 71,110.0 ტონა შეადგინა. თუმცაღა 2007 წლიდან საქართველოში ფქვილის იმპორტმა კლება დაიწყო და 2010 წელს ქვეყანაში რუსული ფქვილის იმპორტი 0 ტონას გაუტოლდა.

აღსანიშნავია, რომ 2007 წლიდან 2011 წლის ჩათვლით საქართველოში რუსული ფქვილის იმპორტი 79-ჯერაა შემცირებული.

„საქსტატის“ ინფორმაციით 2014 წელს 2013 წელთან შედარებით რუსული ფქვილის იმპორტი 178,5 %-ითაა გაზრდილი. 2014 წელს საქართველომ 12,332.5 ტონა რუსული ფქვილი მოიხმარა, 2013 წელს კი - 4,428.0 ტონა.