პოლიციელის მიერ მამაკაცის მოკვლის შემდეგ პარიზში არეულობები დაიწყო

პარიზში პოლიციელის მიერ 56 წლის მამაკაცის მოკვლის შემდეგ არეულობები დაიწყო.

პოლიციელებთან შეტაკებების მიზეზი გუშინ მომხდარი ინციდენტი გახდა. ორი პოლიციელი საცხოვრებელ სახლში ოჯახური კონფლიქტის შესახებ მიღებული ინფორმაციის გადასამოწმებლად მივიდა. სახლში მათ თავს დანით შეიარაღებული მამაკაცი დაესხა, რის შემდეგაც ერთ-ერთმა სამართალდამცველმა მას ცეცხლი გაუხსნა და მოკლა.

მოკლულის ქალიშვილი ამტკიცებს, რომ მამამისი თავს არავის დასხმია. Le Figaro-ს ცნობით, ოჯახი ირწმუნება, რომ 56 წლის ლი შაიო სამზარეულოს დანით თევზს ჭრიდა, როდესაც კარზე ზარის ხმა გაისმა. ის კარის გასაღებად წავიდა, ისე რომ დანა სამზარეულოში არ დაუტოვებია. ოჯახის ადვოკატის თქმით, პოლიციელებმა უფლებამოსილებას გადაამეტეს.

მომხდარის შემდეგ ათობით ადამიანი პარიზის პოლიციის ერთ-ერთ განყოფილებასთან შეიკრიბა. მშვიდობიანი დწმონსტრაცია მასობრივ შეტაკებებში გადაიზარდა. აქციის მონაწილეებმა პოლიციის ავტომობილის მინები ჩაამსხვრიეს და მის დაწვას შეეცადნენ. ისინი პოლიციელებს ქვებსა და ბოთლებს ესროდნენ. სამართლადამცელებმა აქცია დაშალეს. დაკავებულია 35 დემონსტრანტი.