კოლუმბიაში ღვარცოფის შედეგად მსხვერპლთა რაოდენობამ 300-ს გადააჭარბა

კოლუმბიის ქალაქ მოკოაში ღვარცოფის შედეგად მსხვერპლთა რაოდენობამ 300-ს გადააჭარაბა.

ხელისუფლების განცხადებით, უკვე ნაპოვნია 301 ცხედარი, ათეულობით ადამიანი კი უგზო-უკვლოდ დაკარგულად არის მიჩნეული.

კოკისპირული წვიმების შედეგად მდინარეები მოკოა, სანგოიაკო და მულატოსი ნაპირებიდან გადმოვიდა და ქალაქ მოკოაში ღვარცოფი გამოიწვია. ქალაქი ძლიერ დაზარალდა, მისი ქუჩები სავსეა ტალახით, მორებითა და ლოდებით. შეწყვეტილია წყლის მიწოდება და ელქტრო და გაზმომარაგება.