მარია ზახაროვა: აშშ-ის ადმინისტრაციის საშიშია საერთაშორისო უსაფრთხოებისათვის

აშშ-ის ახლანდელი ადმინისტრაციის ალოგიკური და დაუფიქრებელი ქმედებები სახიფათოა, რადან ეწინააღმდგება საერთაშორისო ტერორიზმთან კოლექტიურ ბრძოლას. ამის შესახებ რუსეთის საგარეო საქმეთა ოფიციალურმა წარმომადგენელმა მარია ზახაროვამ განაცხადა. მისივე თქმით, აშშ-ის ქმედება სირიის სუვერენული სახელმწიფოს წინააღმდეგ განხორციელებული ღია აგრესიაა.

გამთენიისას შეერთებულმა შტატებმა სირიის სამთავრობო ძალებზე პირველი იერიში მიიტანა. ხმელთაშუა ზღვიდან ქალაქ ჰომსთან ახლოს, ალ-შაირათის ავიაბაზა დაიბომბა. აშშ-ის თავდაცვის დეპარტამენტის ინფორმაციით, ავიაბაზას 50-ზე მეტი ფრთოსანი რაკეტა "ტომაჰავკი" ესროლეს.

განადგურებულია ავიაბაზის ინფრასტრუქტურა, ასაფრენი ბილიკები ავიაცია. სირიის სამთავრობო ძალების თვითმფრინავები, რომელთაც ორი დღის წინ იდლიბის პროვინციას ქიმიური იარაღი დაუშინეს, სწორედ ალ-შაირათის ბაზიდან აფრინდნენ.

ტრამპმა ცივილიზებულ მსოფლიოს მოუწოდა, მხარი დაუჭირონ აშშ-ის ძალისხმევას, რათა სირიაში "ხოცვა-ჟლეტა და სისხლისღვრა" დასრულდეს.

„შეერთებულმა შტატებმა მიზეზად გამოიყენა იდლიბში მომხდარი ქიმიური ინცინდენტი, არ დაელოდა სიმართლის გარკვევას და იერიში მიიტანა სირიის სახელისუფლო ძალებზე. ამერიკულმა მხარემ ძალის დემონსტრირება მოახდინა, რაც ადრეც არაერთგზის გაუკეთებია. სახეზე გვაქვს ღია აგრესიის აქტი სუვერენული ქვეყნის წინააღმდეგ, რომელიც საერთაშორისო ტერორიზმს ებრძვის. რუსეთი არასდროს შეეგუება არალეგიტიმურ ქმედებებს სირიის წინააღმდეგ,“-აღნიშნა ზახაროვამ.