სპეცსამსახურებმა შეცდომით მინისტრი მოკლეს

საქართველო, თბილისი - 14:33 | 04.05.2017

ნანახია: 1338

სომალის საზოგადოებრივი სამუშაოს მინისტრი აბდულაჰი შეიხ აბასი სპეცსამსახურების თანამშრომლებმა შეცდომით მოკლეს. 31 წლის მინისტრი სპეცრაზმელებმა შეიარღებულ ისლამისტად მიიჩნიეს.

მინისტრი დედაქალაქ მოგადიშოში პრეზიდენტის სასახლესთან მანქანაში ჩაცხრილეს.

საგანგებო ვითარების გამო სომალის პრეზიდენტმა ეთიოპიაში ვიზიტი შეწყვიტა.

”ბი-ბი-სის” ინფორმაციით მსგავს შეცდომებს სომალის სპეცსამსახურები ადრეც უშვებდნენ. ხელისუფლებას ისლამისტების თავდასხმების ეშინია, ამიტომაც ქვეყანში ვითარება ზედმტად დაძაბულია.

მოკლული მინისტრი კენიაში ლტოლვილების ბანაკში გაიზარდა. გასული წლის ნოემბერში ის სომალის მთავრობაში ყველაზე ახალგაზრდა მინისტრი გახდა.

სომალის უდიდეს ნაწილს კვლავ ”ალ-ქაიდას” მოკავშირე ისლამური დაჯგუფება ”აშ-შაბაბი” აკონტროლებს. დაჯგუფება მიზნად ისახვს შარიათის სახელმწიფოს შექმნას. ის დიდ ბრიტანეთსა და აშშ-ში ტერორისტულ ორგანიზაციად არის აღიარებული.