რუსეთსა და შეერთებულ შტატებს შორის ურთიერთობა გაუარესდა - პენტაგონის ყოფილი ხელმძღვანელი

პრეზიდენტ დონალდ ტრამპის არჩევის შემდეგ რუსეთსა და შეერთებულ შტატებს შორის ურთიერთობა გაუარესდა. ამის შესახებ აშშ-ის თავდაცვის ყოფილმა მინისტრმა რობერტ გეიტსმა ტელეარხ  CBS News-თან ინტერვიუში განაცხადა.

 “ერთ-ერთი საკითხი, რომელმაც საზოგადოება გააოცა ის არის, რომ სინამდვილეში არჩევნების შემდეგ რუსეთსა და აშშ-ის შორის ურთიერთობა გაუარესდა“, - აღნიშნა გეიტსმა. მან დასძინა, რომ ტრამპი რუსეთისთვის არაფრის დათმობას არ აპირებს და აქვე აღნიშნა, რომ ჩინეთთან თეთრ სახლს სრულიად განსხვავებული დამოკიდებულება აქვს.

აშშ-ს ადმინისტრაციისა და სერგეი ლავროვის შეხვედრის კომენტირებისას გეიტსმა აღნიშნა, რომ საბჭოთა საგარეო საქმეთა მინისტრები ამერიკაში  „ყოველთვის რუტინულ საფუძველზე ჩადიოდნენ“, ამიტომ თავად შეხვედრას დიდი მნიშვნელობა არ ენიჭება. მისი თქმით, მთავარია პოლიტიკა და მოქმედება, რაშიც მისივე თქმით, ამერიკელები საკმაოდ მკაცრად იყვნენ განწყობილნი.