ინკლუზიური ტურიზმის კონფერენცისს ფარგლებში ტურიზმის ადმინისტრაციამ გაცნობითი ტური მოაწყო

ინკლუზიური ტურიზმის მესამე საერთაშორისო კონფერენციის პარალელურად ტურიზმის ეროვნულმა ადმინისტრაციამ მოწვეული საერთაშორისო ექსპერტებისა და ბლოგერისათვის გაცნობითი ტური მოაწყო. დიდი ბრიტანეთიდან, საბერძნეთიდან, თურქეთიდან, ჩინეთიდან და რუსეთიდან ჩამოსულმა სტუმრებმა თბილისის და მცხეთის ტურისტული ადგილები დაათვალიერეს და ღირსშესანიშნაობებს გაეცნენ. სტუმრებს შორის იყო საერთაშორისო ინკლუზიური ტურიზმის ევროპული ქსელის დირექტორი აივორ ამბროსი. ინკლუზიური ტურიზმის განვითარების მიზნით ტურიზმის ეროვნული ადმინისტრაცია ქვეყანაში სხვადასხვა ღონისძიებებს ატარებს, მათ შორისაა ტრენინგები და ინფრასტრუქტურული პროექტები. მომავალი წლიდან მცხეთის ტურისტული ადგილები სრულიად ადაპტირებული იქნება ინკლუზიური ტურიზმისთვის. ტურიზმის ეროვნულმა ადმინისტრაციამ ასევე რამდენიმე მუნიციპალიტეტთან ერთად შეზღუდული შესაძლებლობების მქონე პირებისათვის მოამზადა ინკლუზიური პაკეტი.