„ექიმები საზღვრებს გარეშე“ ღაზას სექტორში ისრაელის ქმედებებს არაადამიანურს უწოდებს

ორგანიზაციამ „ექიმები საზღვრებს გარეშე“ ღაზას სექტორში ათობით ადამიანის დაღუპვას მიუღებელი და არადამიანური უწოდა.

„ექიმები საზღვრებს გარეშე“ გმობიენ იმას, რაც ხდება ღაზაში. ჩვენ ვადასტურებთ 55 ადამიანის სიკვდილს და 2271 დაჭრილის არსებობას. მათგან 1359 დაჭრილია საბრძოლო ტყვიებით. ეს არაადამიანურია და აბსოლუტურად მიუღებელი“, - ნათქვამია ორგანიზაციის განცხადებაში.

ორგანიზაციამ ასევე მოუწოდა ისრაელს შეწყვიტოს არაპროპორციული ძალის გამოყენება პალესტინელი დემონსტრანტების წინააღმდეგ.

ღაზას სექრტოში საპროტესტო აქციები იერუსალიმში აშშ-ის საელჩოს გახნის პარალელურად გაიმართა.

ისრაელელმა სამხედროებმა აქციის მონაწილეებს ცეცხლი გაუხსნეს. ბოლო მონაცემებით შეტაკებებში დაღუპულია 59 პალესტინელი, 2 700-ზე მეტი კი დაჭრილია. პალესტინის ლიდერმა მაჰმუდ აბასმა სამდღიანი გლოვა გამოაცხადა. ღაზას სექტორში შექმნილ სიტუაციას გაეროს უშიშროების საბჭო დღეს განიხილავს.