ანდრეს ინიესტასთან ინტერვიუს დროს სტადიონის ტრიბუნა ჩამოინგრა (ვიდეო)

ბარსელონაში ესპანელ ფეხბურთელთან ანდრეს ინიესტასთან ინტერვიუს დროს სტადიონის ტრიბუნა ჩამოინგრა.

მედიის ცნობით, ტრიბუნამ გულშემატკივრების სიმძიმეს ვერ გაუძლო. ინციდენტის შედეგად 18 ადამიანი დაშავდა. მათი ტრავმები სერიოზული არ აღმოჩნდა. ზოგიერთ დაშავებულს დახმარება ადგილზე აღმოუიჩინეს, დანარჩენი კი საავადმყოფოში გადაიყვანეს. მომხდართან დაკავშირებით დაიწყო გამოძიება.
„საშინელების შემდეგ, რომელიც დღეს დილით გადავიტანეთ, გამოვხატავ ჩემს მხარდაჭერას ყველა ადამიანის მიმართ, რომლებიც იქ იმყოფებოდნენ. ვიმედოვნებ, რომ ყველა დაშავებული მალე გამოჯანმრთელდება. გეხვევით ყველას“, - დაწერა ინიესტამ Twitter-ში.
ცნობილია რომ „ბარსელონას“ 33 წლის მცველი კლუბს სეზონის ბოლოს დატოვებს. შემდეგ იქნება მუნდიალი რუსეთში, რომელიც ასევე უკანასკნელი ტურნირი იქნება ინიესტასთვის, ამჯერად, ესპანეთის ნაკრების მაისურით. ამის შემდეგ კი 33 წლის ინიესტა კარიერას ჩინურ „ჩუნცინში“ გააგრძელებს, სადაც ორჯერ მეტ ხელფასს მიიღებს, ვიდრე „ბარსელონაში“ - წელიწადში 20 მილიონ ევროს.