სახლში, სადაც სასტიკი მკვლელობა მოხდა, მუზეუმი გაიხსნა

ახალ ორლეანში, ერთ-ერთ სახლში, სადაც  12 წლის წინ სასტიკი მკვლელობა მოხდა, მუზეუმი მოეწყო და ექსკურსიები ტარდება. წერს Mirror-ი. მოჩვენებების მუზეუმში განთავსებულია სამზარეულოს ქურა, სადაც სახლის ძველი მცხოვრები თავისი მეგობარი გოგონას კიდურებს ხარშავდა, ასევე მაცივარი, სადაც სხეულის დანარჩენი ნაწილები ინახებოდა.

2006 წლის ოქტომბერში, 28 წლის ზაკერი ბოენმა თავისი მეგობარი გოგო ენდი ჰოლი მოკლა, შემდეგ კი სასტუმროში თავი მოიკლა. სიკვდილის წინ დაწერა წერილი, რომელმაც პოლიციელები მკვლელობის ადგილზე მიიყვანა.

 „ეს უბედური შემთხვევა არ არის. მე თავი მოვიკალი, რათა პასუხი მეგო იმისთვის, რაც ჩავიდინე, გაგზავნეთ პატრული ამ მისამართზე და თქვენ ნახავთ ჩემი გოგოს დანაწევრებულ სხეულს ღუმელში, ქურაზე და მაცივარში“, - ეწერა წერილში.

როდესაც პოლიციელები მითითებულ ადგილზე მივიდნენ, შოკში ჩავარდნენ, ედის სხეულის ნაწილები მოთავსებული იყო ქვაბებში, ტაფებში და ღუმელში. კედლებზე ზაკერის მიერ დატოვებული იყო წარწერები: „მე ის მიყვარს“ და „მე შეცდომა ვარ“. ოფიცრებმა ასევე იპოვეს მამაკაცის დღიური, რომელშიც ის დაწვრილებით აღწერდა როგორ ანაწევრებდა გოგონას სხეულს.

 „შუა გზაზე გავჩერდი და დავფიქრდი იმის შესახებ თუ რას ვაკეთებდი. ჩემი თავი შევაშინე არამხოლოდ იმით, რომ მშვიდად ვახრჩობდი ქალს, რომელიც წელიწადნახევარი მიყვარდა, არამედ იმაზეც, რომ ამის გამო ვნანობდი. ყოველთვის ვიცოდი, რამდენად საშინელი ვარ“, - წერდა ზაკერი ბოუენი.

წყვილის ოჯახები და მეგობრები აღშფოთებულნი იყვნენ, როდესაც შეიტყვეს, რომ სახლი ტურისტულ ღირშესანიშნაობად იქცა. ჩიოდნენ დამთვალიერებლებიც, რომლებსაც უყვებოდნენ, რომ კედლებზე გაკეთებულ ფოტოებზე უჩვეულო ნათება ჩნდებოდა.

ექსკურსიის ორგანიზატორები ამტკიცებენ, რომ ამ წყვილის ისტორია დანარჩენებისთვის გაკვეთილი უნდა გახდეს, მიღებული შემოსავლის ნაწილს კი ახალ ორლეანში ოჯახური ძალადობის ფონდში გადარიცხავენ.

ზაკერიმ და ედიმ ერთმანეთი ბარში გაიცნეს. ზაკერი ყოფილი სამხედრო იყო და იმ დროს უკვე განქორწინებული ოყო ცოლთან რომლისგანაც ორი შვილი ჰყავდა. ზაკერისა და ედის ურთიერთობა იმდენად ვნებიანი და მღელვარე იყო, რომ წყვილი გამუდმებით  ჩხუბობდა.

ამის გარდა, ედის ჰქონდა ბიპოლარული აშლილობა, ზაკერი კი პოსტრავმატული სტრესისგან იტანჯებოდა, რომელიც მას კოსოვოსა და ერაყში სამხედრო სამსახურის დროს მძიმე პერიოდის გადატანის შემდეგ დაემართა. მამაკაცს ასევე ჰქონდა პრობლემები ნარკოტიკებთან და ალკოჰოლთან.