მეცნიერები გლობალური კატასტროფის გარდაუვალობაზე საუბრობენ

კლიმატოლოგების საერთაშორისო ჯგუფის ექსპერტებმა დაასკვნეს, რომ გლობალური ტემპერატურის 1,5 გრადუსით გაზრდაც კი სერიოზულ კლიმატურ ცვლილებებს, ბუნებრივი ეკოსისტემების გაქრობასა და უამრავი სახეობის გადაშენებას გამოიწვევს. ამის შესახებ Phys.org-ის განცხადებაშია ნათქვამი.

მიჩნეულია, რომ დედამიწაზე კლიმატის დათბობა ორი გრადუსითაც კი გამოიწვევს ატმოსფერული ცირკულაციის სისტემების არაპროგნოზირებად ცვლილებებს. დაიწყება ყინულის ინტენსიური დნობა, რაც თავი სმხრივ ზღვის დონის ამაღლებას გამოიწვევს.

დათბობის ტენდენციების შენარჩუნების შემთხვევაში 2100 წლისთვის მოხდება სანაპიროებთან მდებარე მეგაპოლისების დატბორვა, ასევე გაქრება ზოგიერთი დასახლებული კუნძული, მათ შორის მალდივებიც.

ამიტომ პარიზის 2015 წლის საერთაშორისო შეთანხმება ითვალისწინებს, რომ კაცობრიობამ არ უნდა დაუშვას პლანეტის საშუალო ტემპერატურის გაზრდა 1,5 გრადუსზე მეტად.

ახალ ნაშრომში კლიმატოლოგები ამტკიცებენ, რომ დათბობის ზღვარის წარმატებით შენარჩუნების დროსაც კი პლანეტის ცალკეული რეგიონებისთვის მნიშვნელოვანი კლიმატური რისკები არსებობს.

კლიმატის გაგრილების ღონისძიებები მოიცავს ტყის მასივების გაშენებას და ატმოსფეროში ნახშირორჟანგის კონცენტრაციის შემცირების სხვა მეთოდებს.

ამასთან, სპეციალისტები ხშირად საუბრობენ, ენერგეტიკის ალტერნატიულ ფორმაზე გადასვლის შესახებ, მათ შორის ბიოსაწვავის გამოყენებაზე. თუმცა მეცნიერები ვარაუდობენ, რომ ტემპერატურის ზრდის ერთადერთი ეფექტური საშუალებაა მავნე აირების გამონაბოლქვის შემცირება. 2017 წელს სპეციალისტები მივიდნენ დასკვნამდე, რომ გამონაბოლქვი კაცობრიობამ 2020 წლისთვის აუცილებლად უნდა შეამციროს.