კომისიის წევრებმა „ევროპული საქართველოდან“ მთავარი კითხვები არ დასვეს - მამუკა მდინარაძე

„იყო კითხვები, რომლებზეც პროკურორმა და შს სამინისტროს წარმომადგენელმა ამომწურავი პასუხები ვერ გასცეს“ და „კომისიის წევრებმა „ევროპული საქართველოდან“ მთავარი კითხვები არ დასვეს,“ - ეს განცხადება ფრაქცია „ქართული ოცნების“ თავმჯდომარემ, მამუკა მდინარაძემ, ხორავას ქუჩაზე მოზარდების მკვლელობის საქმის საგამოძიებო კომისიის სხდომაზე შს სამინისტროს წარმომადგენლისა და პროკურორის მოსმენის კომენტირებისას გააკეთა.

„რაც არ უნდა გასაკვირი იყოს, „ევროპული საქართველოს“ წარმომადგენლებმა, რომლებმაც გამოკითხეს შსს-ს და პროკურატურის წარმომადგენლები, არ დასვეს მთავარი კითხვები. საუბარია იმ კითხვებზე, რომელიც აქვს ზაზა სარალიძეს, ფარდულის ნაწილის გარდა. ამიტომ ჩვენ ამ კითხვებს დავსვათ საკმაოდ კრიტიკულად. რჩება შთაბეჭდილება, რომ ამ შემთხვევაში კომისიის უმრავლესობაში მყოფი ადამიანები ცდილობენ რაღაცის გამოყვანას, ჩვენ ვცდილობთ სიმართლის დადგენას. ეს არის საქმე, სადაც არანაირი ტენდენციური მიდგომა არანაირი მიზნით არ არის გამართლებული,“ - განაცხადა მდინარაძემ. მან ასევე აღნიშნა, რომ „იყო კითხვები, რომლებზეც პროკურორმა და შს სამინისტროს წარმომადგენელმა ამომწურავი პასუხები ვერ გასცეს“. სწორედ ამიტომ, მისი თქმით, დამატებითი კითხვები დაისმება, “ხოლო საბოლოო შედეგი პასუხების დამაჯერებლობის და არა დამაჯერებლობის შესახებ უნდა მივიღოთ არა დღეს, არამედ კომისიის მუშაობის ფინალურ ეტაპზე”.

შეგახსენებთ, რომ ხორავას ქუჩის საქმესთან დაკავშირებით შექმნილი პარლამენტის საგამოძოებო კომისიის სხდომაზე დღეს შინაგან საქმეთა სამინისტროს წარმომადგენელს კახა სირაძეს და საქმის პროკურორს ზვიად ფხაკაძეს კითხავენ.