კუნძულ მაიორკასთან თეთრი ზვიგენი გამოჩნდა (ვიდეო)

ესპანეთის კუნძულ მაიორკას სანაპიროებთან ხმელთაშუა ზღვაში პირველად 40 წლის განმავლობაში თეთრი ზვიგენი გამოჩნდა. ამის შესახებ ВВС-ი იტყობინება.

ეკოლოგებმა ზვიგენი იმ დროს გადაიღეს, როდესაც ის ბალეარის კუნძულების რაიონში ცურავდა. მტაცებელი ესპანეთის გარემოს დაცვის ცენტრის ექსპედიციის წევრებმა შენიშნეს.

უკანასკნელად თეთრი ზვიგენი 1976 წელს ბალეარის კუნძულების რაიონში მეთევზეებმა დაინახეს.

„ესპანეთის ტერიტორიულ წყლებში თეთრი ზვიგენების არსებობის შესახებ ხმები დიდი ხანია ვრცელდებოდა. თუმცა მრავალი წლის განმავლობაში მათ ვერ მივაკვლიეთ“, - აღნიშნა ექსპედიციის ერთ-ერთმა წევრმა.

კაციჭამია თეთრი ზვიგენები 2 ტონას აღწევენ. მათი სიგრძე 6 მეტრს შეადგენს. თეთრ ზვიგენებს საათში 40 კმ-ის სიჩქარის განვითარება შეუძლია.
მეცნიერები ზვიგენის გადაადგილებას ვიდეოკამერით ერთი საათის განმავლობაში იღებდნენ.

მათი თქმით, ზვიგენი ნავიდან მხოლოდ სამი მეტრის დაშორებით იმყოფებოდა.