„ქართული ოცნებისთვის“ უკეთესია, ასეთი მკვეთრი მოძრაობები არ გააკეთოს - გიორგი კანდელაკი

„ევროპული საქართველოს“ წევრი, დეპუტატი გიორგი კანდელაკი „რუსთავი 2“-ის ყოფილი გენერალური დირექტორის ნიკა გვარამიასთვის პროკურატურის მიერ ბრალის წაყენებას ეხმიანება.

მისი თქმით, რაც უფრო მკვეთრ მოძრაობას გააკეთებს „ქართული ოცნება“, მით უფრო ჩაიძირება ჭაობში.

„ქართული ოცნების“ მდგომარეობა ჭაობში ჩაძირული ადამიანის მდგომარეობას ჰგავს. მათთვის უკეთესია, ასეთი მკვეთრი მოძრაობები არ გააკეთონ. ასეთი მკვეთრი მოძრაობები „ქართული ოცნების“ შფოთვის გამოძახილია, რომ მათ ქართველი ხალხი აღარ ენდობათ“, – განაცხადა გიორგი კანდელაკმა.

ნიკა გვარამიას პროკურატურამ ბრალი დღეს წაუყენა. გვარამიას ბრალი სისხლის სამართლის კოდექსის 220-ე მუხლით წაუყენეს, რაც საწარმოს ხელმძღვანელობითიდა წარმომადგენლობითი უფლებამოსილების გამოყენებას, ამ ორგანიზაციის კანონიერი ინტერესების საწინააღმდეგოდ მოქმედებას გულისხმობს, რამაც მნიშვნელოვანი ზიანი გამოიწვია. ბრალი 3-დან 5 წლამდე თავისუფლების აღკვეთას ითვალისწინებს. 

ნიკა გვარამია დღეს 19:00 საათზე პროკურატურაშია დაბარებული.