მეორე დღეა ვუყურებ სრულ ისტერიას, ოდესმე ამ შოკიდანაც ალბათ გამოვალ - ნინო შუბლაძე

ნინო შუბლაძე „ფეისბუქის“ გვერდზე წერს, რომ არ მიუღია გადაწყვეტილება მედიაში და კერძოდ რუსთავი2-ში დაბრუნების თაობაზე და მხოლოდ შემოთავაზება მიიღო.

„სალამი ყველას, სახედაკარგულებსაც!

პირველ რიგში დავიწყებ იმით რომ არ მიმიღია გადაწყვეტილება მედიაში და კერძოდ რუსთავი2-ში დაბრუნების თაობაზე. შემოთავაზება მივიღე მხოლოდ ... 
მეორე დღეა ვუყურებ სრულ ისტერიას …ოდესმე ამ შოკიდანაც ალბათ გამოვალ ...

ენას ძვალი არ აქვს, თუმცა ვინც მიცნობს, ზუსტად იცის რომ არასოდეს არ გადამიბიჯებია მორალურ ზღვარს ადამიანებთან, ჩემს კოლეგებთან ურთერთობაში, მიუხედავად იმისა რომ მარტივი წლები არ გაგვივლია ერთად ... არც ახლა გადავალ ამ ზღვარს....

ამიფეთქდა ტელეფონი - თქვენი პიროვნულიი გამხნევება ჩემთვის ძალიან მნიშვნელოვანი იყო .

პ.ს. როგორც ჩემმა დამ მითხრა - საქმემან ჩემმან წარმომაჩინოს”, - წერს ნინო შუბლაძე.

გუშინ ცნობილი გახდა, რომ ტელეკომპანია „რუსთავი 2“-დან გათავისუფლდნენ ნოდარ მელაძე, გიორგი გაბუნია, ნანუკა ჟორჟოლიანი, ეკა კვესიტაძე, გიორგი ლაფერაშვილი და კიდევ სხა თანამშრომლები.

ტელეკომპანიის დატოვების გადაწყვეტილება  „კურიერის“ წამყვანებმა დიანა ჯოჯუამ, მიშა სესიაშვილმა და პაატა იაკობაშვილმა მიიღეს. არსებული ინფორმაციით, არხიდან წავიდნენ სხვა ჟურნალისტებიც. „რუსთავი 2“-ის ჟურნალისტების თქმით, ისინი მუშაობას სხვა არხზე გაარძელებენ.