PSP-ს რჩეული ფარმაცევტული კომპანიის წოდება მეთხუთმეტედ მიენიჭა

PSP 15 „ოქროს ბრენდის“ მფლობელი ფარმაცევტული  კომპანიაა! რჩეული ფარმაცევტული ბრენდის წოდება მეთხუთმეტედ PSP-ს 17 ივლისს „Golden Brand”-ის XV დაჯილოდების ცერემონიალზე მიენიჭა.

დაჯილდოების ორგანიზატორები კომპანია GLOBAL IDEA და გაზეთი The FINANCIAL-ია. ღონისძიების მხარდამჭერები არიან საქართველოს სავაჭრო-სამრეწველო პალატა, საერთაშორისო პალატა, შვეიცარია-საქართველოს ბიზნეს საბჭო და მეწარმე ქალთა საბჭო საქართველოში. წლის ”ოქროს ბრენდს” ყოველწლიურად 200-მდე ექსპერტი და 2000 გამოკითხული მოქალაქე ავლენს. ჯილდო გადაეცემათ კომპანიებს, რომლებმაც წლის განმავლობაში განსაკუთრებულ წარმატებებს მიაღწიეს და საზოგადოების მოწონება და აღიარება მოიპოვეს.

„PSP ლიდერი კომპანიაა ქართულ ფარმაცევტულ ბაზარზე. მომხმარებლები და ექსპერტები 26 წლიანი წარმატებული საქმიანობის ისტორიისა და გამოცდილების მქონე ქართულ კომპანიას ირჩევენ. ეს იმას ნიშნავს, რომ ექსპერტებისა და საზოგადოების აზრით, ჩვენი საქმიანობით მაქსიმალურად კომფორტულს და სარგებლიანს ვხდით ჩვენი მომხმარებლების სილამაზეზე და ჯანმრთელობაზე ზრუნვას. ექსპერტთა და მომხმარებლის აღიარება დამატებითი მოტივაციაა ჩენთვის წინსვლისა და ახალი საინტერესო პროექტების შესაქმნელად“ - აცხადებენ PSP-ში.