ქვეყანას ამ უმძიმესი ეკონომიკური კრიზისიდან გამოიყვანს პროფესიონალებით დაკომპლექტებული კოალიციური მთავრობა - ზურაბ ჭიაბერაშვილი

"ევროპული საქართველოს" ერთ-ერთი ლიდერის, ზურაბ ჭიაბერაშვილის განცხადებით, "ქართული ოცნების" ოცნების რეიტინგი მცირდება.

ეს განცხადება ჭიაბერაშვილმა საერთაშორისო რესპუბლიკური ინსტიტუტის (IRI) მიერ გუშინ გამოქვეყნებული კვლევის შედეგების კომენტირებისას გააკეთა.

"ქართული ოცნება", მიუხედავად ხელისუფლებისთვის დამახასიათებელი რეიტინგისა რომელიც ყველა ხელისუფლებას ასეთ პირობებში აქვს ხოლმე, მათი რეიტინგი მოდის დაბლა და ეს არ არის გასაკვირი, თუ გავითვალისწინებთ იმ უამრავ ტყუილ დაპირებას, რომელიც არ შესრულდა…

და არის სრული გაცნობიერება იმისა, რომ ქვეყანას ამ უმძიმესი ეკონომიკური კრიზისიდან გამოიყვანს პროფესიონალებით და კვალიფიციური ადამიანებით დაკომპლექტებული კოალიციური მთავრობა", - აცხადებს ჭიაბერაშვილი.

შეგახსენებთ, გუშინ, საერთაშორისო რესპუბლიკურმა ინსტიტუტმა გამოაქვეყნა კვლევის შედეგები. დასმულ შეკითხვაზე, კვირას რომ არჩევნები ტარდებოდეს, ხმას ვის მისცემდით, გამოკითხულთა 33%-მა უპასუხა - "ქართულ ოცნებას". ოპოზიციურმა ნაწილმა ჯამში 37%-იანი მხარდაჭერა მიიღო.