მთიან ყარაბაღში რუსი სამშვიდობო ძალები უნდა შევიდნენ - სერგეი მირონოვი

ცეცხლის შეწყვეტის შეთანხმების მიღწევის შემდეგ მთიან ყარაბაღში რუსი სამშვიდბო ძალები უნდა შევიდნენ, - ამის შესახებ პარტია  „სამართლიანი რუსეთის ლიდერმა სერგეი მირონოვმა განაცხადა.

მიმაჩნია, რომ მხარეებს  შორის ცეცხლის შეწყვეტის და ძალების გაყვანის შესახებ შეთანხმების მიღწევის შემდეგ, რუსეთის ფედერაციის მხრიდან შესაძლოა, სამშვიდობო ძალების შეყვანა გახდეს საჭირო“, - განაცხადა მირონოვმა. მისი თქმით, კონფლიქტის გაღვივებას ხელს უწყობს თურქეთი.

”ნატო-ს წევრი თურქეთი ამ დაძველებული კონფლიქტის გაღვივებას ხელს უწყობს”, - აღნიშნა მან.

ყარაბაღის კონფლიქტის ზონაში, შეხების ხაზზე სამხედრო მოქმედებები 27 სექტემბერს დაიწყო. სომხეთი და აზერბაიჯანი საბრძოლო მოქმედებების დაწყებაში ერთმანეთს ადანაშაულებენ.

27 სექტემბერს, აზერბაიჯანის თავდაცვის სამინისტრომ განაცხდა, რომ სომეხმა სამხედროებმა ცეცხლი გაუხსნეს დასახლებულ პუნტქებს ყარაბაღის კონფლიქტის ზონაში. სომხეთი კი თავის მხრივ იუწყებოდა, რომ აზერბაიჯანმა ყარაბაღში საჰაერო და სარაკეტო იერიშები მიიტანა. ორივე ქვეყანაში საომარი მდგომარეობაა გამოცხადებული.