ვითანამშრომლებ გამოძიებასთან, დანარჩენი კი გამოძიების კისერზე და სინდისზეა - მარნეულში დაშავებული "მთავრი არხის" ჟურნალისტი

საქართველო, თბილისი - 15:50 | 30.09.2020

ნანახია: 1088

"მთავარი არხის ჟურნალისტი" ჯეუჰუნ მუჰამედ ალი გუშინ, მარნეულში მომხდარი დაპირისპირების შესახებ, გამოძიებას პირველ ჩვენებას ძლევს.

ჟურნალისტი ამბობს, რომ თავდასხმაში მონაწილე ყველა პირი არ ახსოვს, თუმცა მან მხოლოდ ის 2 ადამიანი დაინახა, ვინც მასზე ძალადობა დაიწყო.

"სახეზე მე ვერცერთი ვერ ვიცანი. თუმცა მარნეულში ხშირად ვხდედავ იმ ორ პიროვნებას. თუმცა სახელები და გვარებია რ მახსოვს. უშუალოდ ვინც პირველად დამარტყა, ვისგან მოხვდა მუშტი და წიხლები ეს ადამიანები არ მინახავს. იმიტომ,რომ ეს ყველაფერი მოხდა ზურგიდან. ეს დარტყვემი, რომ გრძელდებოდა ხელის სახეზე ავიფარე და უკვე ხელზე მირტყამდნენ. როგორც არის საჭირო ისე ვითანამშრომლებ გამოძიებასთან. დანარჩენი კიდე გამოძიების სინდისზეა ისინი როგორ მოიქცევნიან - თქვა ჟურნალისტმა.

"მთავარი არხის" ადვოკატი დიმიტრი საძაგლიშვილის განცხადებით, ვინაიდან ფაქტს დიდი გამოხმაურება მოჰყვა, შესაძლოა პროკურატურამ გარკვეული რეაგირება მოახდინოს.

"შესაძლოა, ვინაიდან ამ ფაქტს ახლა უკვე ასეთი გამოხმაურება მოჰყვა - პროკურატურამ გარკვეული რეაგირება მოახდინოს, მაგრამ ეს იქნება ძალიან ლმობიერი რეაგირება და ამას მსუსხავი ეფექტი არანაირად არ ექნება. ჯერჯერობით არ ჩანს, რომ სახელმწიფო მსგავსი ძალადობების აღკვეთას აპირებს,"- აღნიშნა "მთავარი არხის" ადვოკატმა დიმიტრი საძაგლიშვილმა.

შეგახსენებთ, მარნეულში "მთავარი არხის" 4 თანამშრომელს თავს დაესხნენ. დაზიანებულია "მთავარი არხის" ტექნიკაც. მომხდართან დაკავშირებით შინაგან საქმეთა სამინისტრომ გამოძიება ძალადობისა და ჟურნალისტური საქმიანობის ხელისშეშლის ფაქტზე დაიწყო. ამ დრომდე არავინ დაუკავებიათ.