ერევანი აცხადებს, რომ აზერბაიჯანის შეიარაღებულმა ძალებმა ყარაბაღის დედაქალაქი დაბომბეს

სომხეთის თავდაცვის სამინისტროს ინფორმაციით, აზერბაიჯანულმა ძალებმა არაღიარებული მთიანი ყარაბაღის დედაქალაქი სტეპანაკერტი დაბომბეს. ინფორმაციას სომხეთის სახელმწიფო სააგენტო "არმენპრესი" ავრცელებს.

"მათ სტეპანაკერტი დაბომბეს", - განაცხადა თავდაცვის სამინისტროს პრესსპიკერმა, არწრუნ ოვანესიანმა.

სააგენტოს ცნობით, დაშავებულია ბევრი ადამიანი და დაზიანებულია ინფრასტრუქტურა.