ვფიქრობ, მალე დავბრუნდები - დონალდ ტრამპი

აშშ-ის პრეზიდენტმა უოლტერ რიდის სამხედრო სამედიცინო ცენტრიდან ვიდეომიმართვა გაავრცელა. სადაც თავისი ჯანმრთელობის შესახებ საუბრობს და ამბობს, რომ წინასაარჩევნო კაპმანიას მალე დაუბრუნდება.

„როდესაც აქ მოვედი, თავს კარგად არ ვგრძნობდი, მაგრამ ახლა უკეთ ვარ... ვფიქრობ, მალე დავბრუნდები, მოუთმენლად ველოდები როდის შევძლებ კამპანიის ბოლომდე მიყვანას“, - ამბობს ტრამპი.

პრეზიდენტმა აღნიშნა, რომ იგივე დაემართა, მთელი მსოფლიოს მილიონობით ადამიანს,  ამიტომ მიაჩნია, რომ ყველა მათგანისთვის იბრძოლებს და არა მხოლოდ ამერიკლებისთვის. ტრამპის თქმით, მას თეთრ სახლში დარჩენა შესთავაზეს, მაგრამ მან ეს არ მოისურვა.

 „მე არ მინდოდა თეთრ სახლში დარჩენა. შემომთავაზეს ეს ალტერნატივა - დარჩი თეთრ სახლში, ჩაიკეტე, გარეთ არ გამოხვიდე, არც ოვალურ კაბინეტში, დარჩი მეორე სართულზე და მიიღე სიამოვნება, არ ეკონტაქტო და არ ესაუბრო ადამიანებს. მე უბრალოდ არ შემეძლო ასე მოვქცეულიყავი, არ შემიძლია მეორე სართულზე ჯდომა, ჩაკეტვა და ფიქრი - რაც იქნება, იქნება“, - თქვა ტრამპმა.

პრეზიდენტმა აღნიშნა, რომ პირველი ლედი მელანია ტრამპიც თავს კარგად გრძნობს, რადგან ის მასზე „ცოტა ახალგაზრდაა“.

74 წლის დონალდ ტრამპი COVID-19 -ის დიაგნოზით მერილენდში მდებარე სამხედრო ჰოსპიტალში პარასკევს გადაიყვანეს. კორონავირუსით ინფიცირებულია მისი მეუღლე მელანია ტრამპიც.