აშშ-ის დაავადებათა კონტროლის ცენტრების დირექტორმა Pfizer-სა და BioNTech-ის ვაქცინის გამოყენების ნებართვა გასცა

საქართველო, თბილისი - 10:02 | 14.12.2020

ნანახია: 682

აშშ-ის დაავადებათა კონტროლისა და პროფილაქტიკის ცენტრების ხელმძღვანელმა რობერტ რედფილდმა ქვეყანაში Pfizer-სა და BioNTech-ის კორონავირუსის საწინააღმდეგო ვაქცინის გამოყენების ნებართვა გასცა.

შესაბამის დოკუმენტს რედფილდმა ხელი კვირას, 13 დეკემბერს მოაწერა. მისი თქმით, კოვიდ-19“-ის წინააღმდეგ პირველი ვაქცინაციის დაწყება უკვე 14 დეკემბრიდან იგეგმება.

ვაქცინაციის პროცესში 16 წლისა და უფროსი ასაკის ადამიანები ჩაერთვებიან.