ბაიდენმა აშშ-ის შინაგან საქმეთა მდივნის თანამდებობაზე ინდიელთა ტომის წარმომადგენელი წარადგინა

აშშ-ის არჩეულმა პრეზიდენტმა შინაგან საქმეთა მდივნის თანამდებობაზე დებ ჰაალანდის კანდიდატურა წარადგინა. იუწყება The Washington Post.

60 წლის ჰაალანდი ნიუ მეხიკოს შტატის დასავლეთ-ცენტრალურ ნაწილში მცხოვრებ ინდიელთა ტომის პუებლოს წარმომადგენელია.

ამ პოსტზე მისი დამტკიცების შემთხვევაში აშშ-ის ისტორიაში ის პირველი მდივანი იქნება, ამერიკის აბორიგენი მოსახლეობიდან.

 „ვფიქრობ, შესანიშნავია, რომ აშშ-ის მთავრობის კაბინეტის დონეზე განვიხილავთ თანამდებობას, რომელიც შესაძლოა, დაიკავოს აშშ-ის აბორიგენი ხალხის წარმომადგენელმა“, - განუცხადა ჰაალანდმა გამოცემას.