მთელი ოპოზიცია დაიშალა, ჩემი წვლილიც არის ამაში - ირაკლი კობახიძე

მთელი ოპოზიცია დაიშალა, ეს არის ჯანსაღი პროცესი. ამაში გარკვეული ჩემი წვლილიც არის, - ამის შესახებ ქართული ოცნების აღმასრულებელმა მდივანმა, ირაკლი კობახიძემ პალიტრანიუსთან ინტერვიუში განაცხადა.

"ოპოზიციის გაღიზიანება მეტყველებს იმაზე, რომ ჩემს კონკრეტულ ქმედებებს აქვს ეფექტი. ის, რომ 3 მთელი რაღაც პროცენტი აიღო ევროპულმა საქართველომ, ის, რომ ნაცმოძრაობამ ვერ მოახერხა ძალაუფლებაში და ბრუნება და, პრაქტიკულად, დაიშალა პარტია...

მთელი ოპოზიცია დაიშალა, ეს არის ჯანსაღი პროცესი. ჩემი წვლილი არის გარკვეული ამაში და, მე მგონი, ეს აღიზიანებთ მათ. რა თქმა უნდა, ჩემ თავზე ყველაფერს ვერ მივიწერ, მაგრამ ჩემი პატარა წვლილიც არის ამ ყველაფერში.

დაშლილი გირჩი აღიზიანებთ, დაშლილი ევროპული საქართველო აღიზიანებთ, დაშლილი ნაცმოძრაობა აღიზიანებთ. ყველაფერი ხელში შემოშლილი აქვთ, შესაბამისად, ჩანს, რომ პატარა წვლილი, რაც მე შევიტანე პროცესში, იმას თავისი ეფექტი ჰქონდა,” - განაცხადა კობახიძემ.