ბინას ჩავდებ და გამოვიყვან. ეჭვი არ მეპარება, რომ საბოლოოდ გამართლდებიან - ივერი მელაშვილის ცოლი

საბოლოოდ რომ გამართლდებიან, ერთი პროცენტითაც არ მეპარება ეჭვი, იმიტომ, რომ უდანაშაულოები არიან ბინას ჩავდებ და გამოვიყვან". - ამბობს ივერი მელაშვილის ცოლი თამარ სულაძე.

"სასამართლოსგან ველოდები, რომ ამ უდანაშაულო ხალხს გაათავისუფლებენ წინასწარი დაკავებიდან მაინც. საბოლოოდ რომ გამართლდებიან, ერთი პროცენტითაც არ მეპარება ეჭვი, იმიტომ, რომ უდანაშაულოები არიან, დანაშაული არის შეთითხნილი. იმედი მაქვს, რომ გამოუშვებენ. ითხოვს ოპოზიცია პოლიტპატიმრების გამოშვებას და, ალბათ, პოლიტიკური ნებაც იქნება. გირაოზე, რა თქმა უნდა, თანახმა ვარ. ბინას ჩავდებ და გამოვიყვან". - ამბობს სულაძე.

პროკურატურის ინფორმაციით, დღეს სასამართლოს მიმართავენ შუამდგომლობით, რომ საქართველო-აზებაიჯანის დელიმიტალია-დემარკაციის ექსპერთთა საბჭოს უფროსს, ივერი მელაშვილსა და წევრს, ნატალია ილიჩოვას დავითგარეჯის საქმეზე აღკვეთის ღონისძიება გირაოთი შეეცვალოთ. პროკურორის თქმით, "ამ ეტაპისათვის მიზანშეწონილად აღარ მივიჩნევთ ყველაზე მკაცრი აღკვეთის ღონისძიების გამოყენებას."

საქალაქო სასამართლოში ივერი მელაშვილისა და ნატალია ილიჩოვას სასამართლო პროცესი ამ წუთებში მიმდინარეობს. პარალელურად, სამოქალაქო მოძრაობები "სირცხვილია" და "
"რუსეთი ოკუპანტია" დაკავებულების მხარდამჭერ აქციას მართავენ.