მურვან ყრუს, აღა-მაჰმად-ხანს არ უკადრებია ის, რასაც ეს ბინძური ევროპა, მათი ელჩები, ამერიკის ელჩი კადრულობს - მეუფე სპირიდონი

სხალთის ეპისკოპოსი, წმინდა სინოდის წევრი, მეუფე სპირიდონი 5 ივლისს განვითარებულ ძალადობრივ მოვლენებს ეხმიანება და საელჩოებს აკრიტიკებს.

მეუფე სპირიდონის განცხადებით, ძალადობრივი მოვლენები დასავლეთის წაქეზებით მოხდა.

„წააქეზეს დასავლეთის, ამერიკის, ინგლისის, საფრანგეთის, გერმანიის და ა.შ. საელჩოებმა ეს ეშმაკზე მიყიდული 15 პარტია, თავისი საელჩოებიანად და აგერ თქვენ იცით, რაც მოხდა და მერე ქართველებს დააბრალეს მოძალადეები ხართო.

მურვან ყრუს არ უკადრებია ასეთი რაღაც, კაცო, რომლებმაც გაჟლიტეს ქართველები. არ უკადრებია ეს ჯალალედინს და აღა-მაჰმად-ხანს, რასაც ეს ბინძური ევროპა, მათი ელჩები, ამერიკის ელჩი და ეს 15 პარტია კადრულობს.

მერე ჩვენ გვაბრალებენ - თქვენ ხართ მოძალადეებიო. კიდევ კარგად გადარჩით თქვენ. არ იქნება თქვენი საშველი, სანამ არ გაიწმინდება ამ სიბინძურისგან საქართველო და თქვენც მიჰყვებით იმას, თუ ჭკუას არ მოუხმობთ. ეს არის რეალობა. ეს არის საღმრთო წესრიგი", - განაცხადა ეპისკოპისმა სპირიდონმა ქადაგებისას.